பிலிப் டி ஒலிவேராவும் யாழ்ப்பாண நகரமும் | யாழ்ப்பாண நகரம் 400 | மயூரநாதன் இரத்தினவேலுப்பிள்ளை
Description
1618 – 1622 காலப் பகுதியில் இலங்கையில் இருந்த போர்த்துக்கேயப் பகுதிகளுக்கான ஆளுனராகப் பதவி வகித்தவன் கொன்ஸ்டன்டீனோ டி சா டி நொரோஞ்ஞா (Constantino de Sá de Noronha) என்பவன். இலங்கையில் போர்த்துக்கேயரின் நலன்களை விரிவாக்குவதில் இவன் தீவிரமாக இருந்தான். இவனது திட்டங்களின் ஒரு பகுதியாக யாழ்ப்பாண இராச்சியத்துக்கு அனுப்பப்பட்டவனே பிலிப் டி ஒலிவேரா. யாழ்ப்பாண அரசனிடமிருந்து வரவேண்டியவற்றை அறவிடுவதற்காக என்ற போர்வையில் வந்தாலும், யாழ்ப்பாண அரசைக் கைப்பற்றுவதற்கும் அரசனைக் கைது செய்வதற்குமான எல்லா வசதிகளுடனுமே ஒலிவேரா வந்திருந்தான். ஒலிவேரா நல்லூரைத் தாக்கியதற்கான முழுப்பொறுப்பையும் யாழ்ப்பாண அரசன் மீது சுமத்துவதற்கே போர்த்துக்கேய யாழ்ப்பாண வரலாற்று எழுத்தாளர்கள் முயன்றிருக்கின்றனர். இது எதிர்பார்க்கக்கூடியதே. ஆனால், நிறைவேற்ற முடியாத கோரிக்கைகளை முன்வைத்து யாழ்ப்பாண அரசனைப் பொறிக்குள் சிக்க வைத்தனர் என்றும் நம்புவதற்கு இடமுண்டு.
United States
